قصص مضحكهـ

موضوع: قصص مضحكهـ الإثنين نوفمبر 03, 2008 9:31 am

اليوم جايب لكم قصص تضحك يا الله اببدأ بس هااااه كل واحد يمسك بطنه لا يعوره

هذي عجوز اول مره تركب طيارة ويوم جت المضيفه تقدم للعجوز

الاكل قالت لها العجوز والله لو ادري انكم بتكلفون انفسكم ما جيت ...

..............................

هذا واحد معزوم عند قرايبه بالشرقية هو وعياله ومن الكرم في الناس حطو

طبق روبيان مشوي في العشاء الولد جالس جنب ابوه وقال بصوت عالي ((وع))حاطين

صراصير بالعشاء ابوه طاح وجهه من الفشيلة ..

...........................

عروس وزوجها مالهم الا ايام متزوجين الرجال قال لعروسته افتحي لي

البيبسي العروس قالت ابسوي حركه فيه اغير جو الهدوء وفتحت البيبسي وطاش على

الرجال وجهه وملابسه والعروس ارتاعت من الخوف تبي تضيع الموضوع قعدت تضحك عشان

ما تجيها هوشه ...

........................

هذي عجيز عاجبها تقنية الكمبيوتر والانترنت قامت بنتها شرت لاب توب

ويوم راحت البنت عند امها قالت لها هاااه يا بنيتي ما جبتي الهووب البنت استغربت وش

وش تقول امي وش تبي قالت مره ثانيه الهووب اللي فيه كل شيء عرفت البنت وضحكت

على امها....عجز مطوره...

...........................

تقول وحده : انه يوم جاء يشوفني خطيبي كنت لا بسه تنوره ضيقه ونصحتني أمي إني ما البسها ولكني عاندت وقلت ألا بلبسها ويوم دخلت وسلمت وجلست ولا اسمع صوووووت تششششششششششش وإلا التنوره انشقت من ورا
يالله وش أسوي ؟؟
جلست وأنا أقول لنفسي يالله وشلون بقوم ؟؟!!
وخطيبي جالس ماقام (( مستانس وش وراه )) وأبوي يناظرني والشرر يتطاير من عيونه وياشرلي عشان أقوم وأنا خلااااااااص لازقه في الكرسي وما اقدر أقوم لو قمت بتطلع بلاوي ..
وطبعا أختكم في الله جالسه ومنزله عيونها في الأرض وكنها ما تدري عن أبوها ذا ألي يأشر صارله ساعة وفي الأخير قام أبوها وقال للخاطب بطريقه لبقه انتهت الزيارة حياك الله ويوم طلع فشششششششششششششش على غرفتي قبل لا يشوفني أبوي ويأدبني ....

.............................

\والثانية تقول : أن يوم دخلت بالعصير وقدمته وتأخر خطيبي في مد يده عشان ياخذ العصير فظنيت انه مايبي فمشيت مســـــــــرعه بالصينية وهو يقول ( لحظه .. لحظه .. أبغى واحد لو سمحتي )) ..

...............................

والثالثة تقول : يوم دخلت أشوف خطيبي ومعي صينيه العصير تفجأت فيه يصرخ بقوه ( مشاء الله مشاء الله )
وقام وقف قدامي وهو يردد(( مشاء الله مشا الله)) أنا ارتعت وش ذا المهبول قمت أصارخ وطلعت أصيح وجاء أبوي وجلس يحاول فيني ادخل مره ثانيه وبعد ما طلعت روحه دخلت وجلست بعيده عنه وهو مازال يردد بصوت واطي (( مشاء الله مشاء الله ))

................................

والرابعة تقول : أن من عاداتنا أن الخاطب ما يشوف خطيبته إلا بعد عقد القران ولكن يوم خطبني صديق اخوي أصر انه يشوفني فدخله اخوي في المجلس وكان شباك المجلس يطل على الحوش وحط المقاضي في الحوش
وناداني (( يامنيييييييييييييره تعالي شيلي الأغراض )) جيت وأنا لابسه قميص البيت وشعري منفوش (( يعني وحده في البيت وش شكلها ؟؟!! ))المصيبة مو في ملابسي ولا في كشتى المصيبة إني جيت افحط بالعربية واخوي يحاول يهديني ويقول : (( يامنــــــــــيره أعقلي , بشويييييييييييييييش )) وأنا ماعطيته وجه جالسه افحط وفي الأخير قال الرجال ما ابي ألا هذي لأنها خفيفة دم ..

الله يعينا على النظره الشرعيه

هههههههههههههههههههههه طرح حلو ثنكس ميس فوفو

تقبلي مروري

يسلمو على المرور